Engelsk, årsstudium - samlings- og nettbasert

Vi er omgjevne av engelsk språk og kultur, og engelsk er det mest nytta språket i global kommunikasjon. I framtida vil solide engelskkunnskapar vere ein sjølvsagt og naudsynt føresetnad på dei fleste felt i arbeidslivet. Engelsk årsstudium er dermed ei grunninvestering i framtida.

Her får du ei brei innføring i engelskspråkleg litteratur og kultur frå heile verda, og god innsikt i strukturane til det engelske språket. Du vil møte litteratur frå ulike periodar, sjangrar og geografiske område, og gjennom ei praktisk og teoretisk tilnærming vil du betre evna di til skriftleg og munnleg bruk av språket.